रायपुर दर्शन

छत्तीसगढ़ी गीत
"रायपुर दर्शन"
(ए जी दिल त हमर  घबराथे)

ए जी दिल त हमर घबराथ हे.....2
मोला कउनउ शहर घुमा दे....2
अब ना नोनी के बाबू कछु सोहाथ हे.....
मोला कउनउ जगह घुमा दे.....
ए जी दिल त हमर ......

लोगन से सुने हबे,रायपुर शहर नाम ....2
जहाँ लगथ हे सुघर बजार...2
उहाँ बड़-बड़ बिल्डिंग अउर मॉल हे....
मोला ओही जगह घुमा दे .....
ए जी जियरा हमार..

मालों में मॉल हाबे,सिटी मॉल हे....2
अम्बुजा,मैग्नेटो बड़ा जोरदार हे.....2
उहाँ तरह-तरह के रोजी-रोजगार हे....
मोला ओही जगह घुमा दे .....
ए जी जियरा हमार..

रायपुर रजधानी हमर छत्तीसगढ़ के शान हे..2
हमन छत्तीस गढ़िया हौं बड़ अभिमान हे....2
जहाँ बड़ तेजी से होथ त विकास हे....
मोला ओही जगह घुमा दे .....
ए जी जियरा हमार..

महादेव घाट जाके जल हम चढाबो....2
महामाया मंदिर क दर्शन करबो....2
जहां बंजारी माई क पावन धाम हे.....
मोला ओही जगह घुमा दे .....
ए जी जियरा हमार..

एयर पोर्ट ,स्टेडियम ,एनर्जी पार्क हे.....2
पंडित रवि शंकर विश्वविद्यालय महान हे....2
जहां रायपुर स्टेशन शानदार हे.....
मोला ओही जगह घुमा दे .....
ए जी जियरा हमार..

गुरु घासी दास संग्रहालय भवन में......2
छत्तीसगढ़ हिंदी साहित्य मण्डल के आंगन मे..2
जहां साहित्यकारन क जुरथ त समाज हे...
मोला ओही जगह घुमा दे .....
ए जी जियरा हमार..

रायपुर क टूरा-टूरी बड़ इतराथे......2
दुचक्का पे बइठके भाव बड़ खाथे..2
उमन इंगरेजी में का -का गोठियाथे .....
मोला ओही जगह घुमा दे .....
ए जी जियरा हमार..

नवां- नवां फैशन से बिजुरी गिराथे.....2
दिन में त भीड़-भाड़ ,रात जगमगाथे ....2
जहां सबोजन बस्तर के करथ त सम्मान हे....
मोला ओही जगह घुमा दे .....
ए जी जियरा हमार..

नवां रजधानी-शहर हम घुमबो....2
जलेबी-बालूशाही-गुलाब जामुन हम खाबो....2
जहां मिलथे सबो श्रृंगार हे......
मोला ओही जगह घुमा दे .....
ए जी जियरा हमार..

जी भर के घुमबो हम रायपुर शहर मा....2
फिर हम लउटबो अपने गांव ला....2
जहां दिल में त मोहन क याद हे.....
मोला ओही जगह घुमा दे .....
ए जी जियरा हमार..

ए जी जियरा हमर घबराथ हे.....2
मोला कउनउ शहर घुमा दे....2
अब ना नोनी के बाबू कछु सोहाथ हे.....
मोला कउनउ जगह घुमा दे.....
ए जी जियरा हमार.......

मोहन श्रीवास्तव (कवि )
14-03-2015,02:30A.M,(927)
Saturday,Mahaveer nagar,Raypur (C.G)