भोजपुरी (शहर बनारस क सैर कराइद)

बलम जियरा हमार बेकरार बा

हमें कहीं सैर कराइद....२

सनम मनवा में कइसन अंधियार बा

हमें कहीं सैर कराइद.....

बलम जियरा हमार बेकरार बा....

शहर बनारस क सैर कराइद....२

विश्वनाथ बाबा क दर्शन कराइद...२

जहां गंगा..२  माई क किनार बा

हमें वहीं सैर कराइद....

बलम जियरा हमार बेकरार बा....

माई अन्नपुर्णा क दरशन करबइ...२

दिल में दुर्गा जी क मूरत बसबइ....२

जहां संकटमोचन क बड़ा नाम बा

हमें वहीं सैर कराइद....

बलम जियरा हमार बेकरार बा....

बनारस के पान क वीणा हम खइबइ...२

रिक्शा अउर टम्पू से इहां-उहां घुमबइ...२

जहां काशी--२ विश्वविद्यालय क बड़ा नाम बा

हमें वहीं सैर कराइद....

बलम जियरा हमार बेकरार बा....

दिल दार होले बनारस क लोगवां...२

खान-पान,रहन-सहन,उत्तम भोगवा...२

जहां सारी दुनिया मे बनारस क नाम बा

हमें वहीं सैर कराइद....

बलम जियरा हमार बेकरार बा....

बनारस जइबइ त सारनाथ जइबइ...२

उहां बौद्ध मंदिर क दर्शन करबइ....२

जहां बौद्धन क मनोरम स्थान बा

हमें वहीं सैर कराइद....

बलम जियरा हमार बेकरार बा....

लोगवां से सुने हई मंडुवाडीह क नमवा...२

उहां बनेला डीजल क इंजनवा...२

जहां बहुत बड़ा रोजी-रोजगार बा...२

हमें वहीं सैर कराइद....

बलम जियरा हमार बेकरार बा....

दिल भर के घूमब बनारस शहरिया...२

फिर लउटबइ अपने नगरिया....२

जहां मोहन क रचि-रचि याद बा

हमें वहीं सैर कराइद....

बलम जियरा हमार बेकरार बा....

बलम जियरा हमार बेकरार बा

हमें कहीं सैर कराइद....२

सनम मनवा में कइसन अंधियार बा

हमें कहीं सैर कराइद.....

बलम जियरा हमार बेकरार बा....

मोहन श्रीवास्तव (कवि)

www.kavyapushpanjali.blogspot.com

08-09-2000,midnight 00:15am,(383),

chandrapur,maharashtra